Chelsea po punon për të ristrukturuar repartin e portierëve me synimin për të bërë vend për Mike Maignan, pas rinovimit të bllokuar të kontratës së tij me AC Milan, çka ka rindezur interesimin e londinezëve.
Për t’i hapur rrugë një portieri të ri titullar, largimi i Filip Jorgensen po konsiderohet seriozisht, me portierin e ri që mund të jetë ai që do t’i hapë rrugën afrimit të një gardiani elitë.
Sipas Sky Sports, Chelsea ka rivendosur kontaktet me përfaqësuesit e Maignan pasi është informuar se francezi nuk do të rinovojë me Milanin. Ky zhvillim ka krijuar mundësi të reja për klubet e interesuara për shërbimet e tij.
Maignan, portieri i kombëtares franceze, nuk e ka fshehur kurrë dëshirën për të luajtur në Ligën Premier dhe e sheh kalimin te Chelsea si një hap të rëndësishëm në karrierën e tij.
Ndërkohë, Juventusi po monitoron nga afër situatën, duke e parë Maignan si një pasues të mundshëm të Michele Di Gregorio.
Megjithatë, Chelsea mbetet aktualisht në avantazh, duke ndërmarrë hapat më konkretë dhe duke e bindur portierin me projektin sportiv që po ndërtojnë.
