Arsenali është befasuar në shtëpi nga Brightoni në kuadër të xhiros së 32-të në Ligën Premier. Topçinjtë janë mposhtur me rezultat 2:1 në “Emirates”. Mysafirët kaluan në avantazh përmes Leandro Trossard në minutën e 28-të. Vendasit barazuan shifrat në 1:1, por goli i Martinellit i shënuar në minutën e 45+1, është anuluar nga teknologjia VAR për pozitë jashtëloje. Megjithatë vendasit gjetën ngushtuan epërsinë në minutën e 85-të me Odegard, pas një asistimi nga Xhaka por pa arritur të evitojnë humbjen. Për, Arsenalin kjo ishte humbja e dytë me radhë dhe zë vendin e pestë me 54 pikë. Kurse, Brightoni ngritet në vendin e 11-të me 37 sosh.
Chelsea në “Stamford Brigde” nuk ka treguar aspak mëshirë ndaj Southamptonit, gjersa ka triumfuar me shifra 6:0. Blutë takimin e kryen për 31 minuta, ku realizuan plot katër gola. Alonso minutën e 8-të, Mount 16′, Werner 21′ dhe Havertz 31′ shënuan në pjesën e parë, ndërsa në franksionin e dytë Werner dhe Mount gjetën edhe golat e dytë personal. Werneri realizoj në minutën e 49-të për 5:0 dhe Mount e përmbylli serinë e golave në minutën e 54-të. Chelsea me këtë fitore ngritet në kuotën e 62 pikëve, kurse Southamptoni me 36 pikë në vendin e 13-të.
Leeds United në udhëtim fituan me shifra 3:0 kundër Watfordit. Golat erdhën nga Raphina 21′, Rodrigo 73′ dhe Harrison 85-të.
/Tëvë1/
