Chelsea ka nisur të jap shenja të mira në Premierligë, derisa ka marrë fitoren e dytë me radhë. Blutë në udhëtim fituan 3:1 ndaj Leicester City, ndeshje kjo e vlefshme për xhiron e 27 në kompeticionin anglez.
Ben Chilwell hapi serinë për blutë me një volley në minutën e 13′, derisa Daka baraspeshoi shifrat nga distanca në të 39′. Mirëpo, mysafirët shkuan në pushim me epërsi, pas një kombinimi maestral Enzo – Havertz, teksa ky i fundit e la portierin vendas për një pozë të bukur.
Në pjesën e dytë golin e tretë, dhe të fitores e realizoi Mateo Kovacic, prapë me një aksion model të nisur nga Enzo, harkimi nga Havertz, asisti me kokë i Mudryk dhe një goditje e Kovacic. Chelsea tani ka 37 pikë në vendin e 10, kurse Leicester City bie e 16 me 24 pikë.
Fitore me shifra 3:1 arriti edhe Tottenham në “Spurs” ndaj Nottingham Forest. Me këtë fitore, Spurs tani kanë 48 pikë në vendin e katërt, kurse Nottingham është e 14 me 26 pikë. Harry Kean 19′, 35′ dhe Son 62′ shënuan për fitoren e Tottenham, derisa golin e nderit për mysafirët e konkretizoi Worrall 81′.
Triumf me vlerë të madhe, mori edhe Everton 1:0 ndaj Brentford në “Goodison Park”. Goli i McNiel në minutën e parë, ishte i mjaftushëm për fitoren e skuadrës nga qyteti i Liverpoolit. Everton me këtë fitore është ngritur në vendin e 15 me 25 pikë, ndërsa Brentford është e nënta me 38 pikë.
Ndërkaq e barbartë është mbyllur sfida Leeds United – Brighton në 2:2. Leeds është e parafundit me 23 pikë, dhe rrezikon rënien nga Premierliga, kurse Brighton është e shtata me 39 pikë.
