Chelsea ka fituar 2-0 ndaj Aston Villës në kuadër të javës së 11-të në Ligën Premier. Pas vetëm gjashtë minutash lojë, blutë kaluan në epërsi me anë të Mason Mount. Por, Graham Potter ishte me fat që Kepa Arrizabalaga ishte në portë, pasi spanjolli bëri disa pritje mahnitëse. Në 45 minutat e dytë, Chelsea vazhdoi me lojë dominuese dhe me krijimin e rasteve, derisa në minutën e 65-të e vulosën fatin e ndeshjes. Ishte Mount sërish, ai që shënoi për skuadrën londineze, tani nga gjuajtja e lirë, me një super gol. Chelsea tani gjendet në vendin e katërt me 19 pikë, ndërsa në xhiron e 12-të do ketë punë me Brentfordin.
Manchester United ka barazuar pa gola me Newcastle United. Ishte minuta e 13-të e takimit, kur Jadon Sancho kishte një mundësi të mirë shënimi, por goditja e tij ishte e pasaktë. Joelinton (25’) më pas kishte mundësinë që t’i kalonte mysafirët në epërsi, por goditja e tij të njëpasnjëshme ishin të bllokuara nga shtylla. Në minutën e 48-të, Cristiano Ronaldo ia doli të tunde rrjetën e Magpies, por që goli u anulua për pozicion jashtë loje. Më pas, Djajtë e Kuq (59’), kërkuan penallti, mirëpo VAR-i bëri të ditur se nuk kishte asnjë ndërhyrje. Deri në fundi, djelmoshat e Erik Ten Hag tentuan që të largoheshin me tri pikë nga ky takim, mirëpo mbrojtaj mysafire ishte e pathyeshme. Manchester United gjendet në vendin e pestë me 16 pikë, ndërsa në xhiron e 12-të do kenë punë me Tottenhamin.
Kurse me barazim është mbyllur edhe sfida Southampton dhe West Ham United. Kjo sfidë u mbyll me rezultat 1:1. Të parët në epërsi kaluan vendasit me Perround në minutën e 20-të, derisa mysafirët barazuan rezultatin në pjesën e dytë me Declan Rice në minutën e 64-të. Southampton gjendet në vendin e 18-të me tetë pikë, kurse West Ham ka të grumbulluara 11-të pikë në vendin e 11-të. /Tëvë1/
