Skuadra e Chelseat ka filluar të mendojë për përforcimin e skuadrës nën urdhërat e trajnerit të ri, Graham Potter.
Raportohet se blutë kanë arritur marrëveshje për transferimin e Christopher Nkunku, i cili pritet t’i bashkohet skuadrës në afatin kalimtar të janarit.
Megjithatë, ekipi londinez ka shprehur interesim edhe për mesfushorin e Borussia Dortmund, i cili po shkëlqen me skuadrën gjermane.
Chelsea ka ofruar 100 milionë euro për shërbimet e mesfushorit, ndërsa Dortmund kërkon rreth 120 milionë, sipas mediave britaneze.
Për talentin anglez janë të interesuara edhe shumë top skuadra evropiane si Real Madrid, Liverpool e Manchester City.