Ish-presidentja e Kosovës dhe kandidatja e LDK-së për presidente, Vjosa Osmani, ka folur për pritjet e saj nga zgjedhjet e 7 qershorit për Lidhjen Demokratike të Kosovës.
Në emisionin “Këndi i Debatit” në Tëvë1, Osmani tha se në kampin e saj ekziston optimizëm për rezultatin zgjedhor, por theksoi se nuk dëshiron të japë shifra konkrete.
“Kemi pritshmëri pozitive. Nuk dua të flas me numra, sepse nuk do të ishte mirë nga ana ime, por megjithatë entuziazmi është shumë i madh, motivi i njerëzve është shumë i madh për të na përkrahur dhe për të na besuar këtë vizion. Kështu që mbesim me shpresë se me punën e përbashkët që do ta bëjmë edhe në ditët e mbetura do të kemi një rezultat të mirë”, ka deklaruar Osmani.
