Kryetari i Lidhjes Demokratike të Kosovës, Lumir Abdixhiku, ka deklaruar pasurinë e tij për vitin e kaluar, në Agjencinë Kundër Korrupsionit.
Abdixhiku ka deklaruar një shtëpi me vlerë 200 mijë euro në emër të përbashkët me bashkëshorten, të cilën ka deklaruar se e ka blerë me kredi dhe kursime.
Gjithashtu, ka deklaruar se ka edhe një shtëpi të trashëguar në emër të tij me vlerë 150 mijë euro, dhe po ashtu një tok të trashëguar me vlerë 90 mijë euro.
Në vitin që shkoi, ka shtuar edhe një banesë me vlerë 260 mijë euro në emër të përbashkët me bashkëshorten, të cilën thotë se e ka blerë me kredi.
Abdixhiku e ka deklaruar një veturë Mercedes me vlerë 25 mijë euro.
Ai i ka deklaruar 6 mijë e 700 euro para të gatshme në bankë, ndërsa bashkëshortja 876 euro.
Ka overdraft prej 2 mijë eurosh në emër të tij, ndërsa 32.500 euro është kredia në emër të bashkëshortes për rinovim të shtëpisë, sipas deklarimit të kryetarit të LDK-së.
Ai ka deklaruar se është në kredi prej 126 mijë eurosh së bashku me bashkëshorten për blerjen e banesës.
Abdixihiku ka thënë se merr të ardhura vjetore 19.017 euro nga Kuvendi dhe 24 mijë euro nga kolegji “Riinvest” ku punon si ligjërues.
Njëjtë si kryetari i PDK-së, Memli Krasnqi as Abdixhiku nuk merr pagë si kryetar i partisë.
Pasurinë me më shumë detaje të Abdixhiku mund ta mësoni duke klikuar këtu.
