Zyrtarë të Inspektoratit të Kosovës, e sollën me duar të lidhura.
Të premten në Gjykatën Themelore në Prishtinë, u mbajt seanca dëgjimore ndaj Bojan Jevtiq i cili dyshohet për spiunazh.
Jevtiq që ishte zyrtar i Policisë së Kosovës, sipas Prokurorisë Speciale dyshohet edhe për armë mbajtje pa autorizim.
Bekim Kodraliu – prokuror i rastit tha se mund të ketë edhe arrestime të tjera.
E kërkesën e Prokurorisë Speciale për masën e paraburgimit e ka caktuar Gjykata Themelore.
Për këtë masë kanë edhe arsyetim.
“Pas mbajtjes së seancës dëgjimore, gjykata vlerësoj se caktimi i masës së paraburgimit në këtë çështje penale është masë adekuate sepse nëse i pandehuri lihet në liri, ekziston rreziku i ikjes, mund ti shmanget procedurës penale dhe se i njëjti do të jetë i pakapshëm për organet e drejtësisë, duke qenë se i njëjti dyshohet për vepër penale të një rrezikshmërie shumë të lartë përkatësisht për vepër penal spiunazhi, si dhe duke marr për bazë faktin se i njëjti cenon sigurinë kombëtare, jetën e zyrtarëve dhe qytetarëve të Republikës së Kosovës”, u tha nga Gjykata Themelore në Prishtinë.
Para masës së paraburgimit, mbrojtja e tij kishte ofruar garanci prej 15 mijë eurosh për të shmangur masën e paraburgimit.
Milosh Nikolliq foli edhe për provat e sekuestruara dhe tha se nuk ka ende qasje në to.
“Nuk kemi informata të plota mbi provat që ka prokuroria. Pasi t’i pranojmë zyrtarisht, do të kemi mundësi të japim komente konkrete”, tha ai.
Vëllai i tij, Ljubisha Jevtiq thotë se ai asnjëherë s’ka pasur problem me ligjin për 23 vite që ka punuar në polici.
“Është burgosur pabazë. Është njeri i ndershëm, ka kryer punën ndershëm. Është baba i tre fëmijëve, të cilët i ka mbajtur me këtë pagë. Ka punuar në Policinë e Kosovës 23 vite pa asnjë njollë, pa gjë. Besoj se nuk do të ketë procedurë dhe ai do të lirohet”, u shpreh ai.
Se personat e tillë rrezikojnë sigurinë në Kosovë thotë njohësi i sigurisë, Arben Dashevci.
Të enjten, Inspektorati Policor i Kosovës në bashkëpunim me Prokurorinë Specialë kryejnë bastisje në dy lokacione të Jevtiq.
Ai u arrestua herët në mëngjes në një fshat në komunën e Kamenicës para nisjes për punë në pikën kufitare “Dheu i Bardhë”.
