Detaje të reja të vdekjes së Diego Armando Maradonës vazhdojnë të dalin gjatë gjyqit që po bahet në Argjentinë. Mjeku që pa Maradonën pas vdekjes thotë se ekipi mjekësor po përpiqej të ringjallte një trup që kishte kohë që kishte vdekur.
Dhoma ku vdiq Diego Maradona “ishte shumë e pistë” për një person “të operuar së fundmi” dhe nuk kishte defibrilator në të, dëshmoi një mjek gjatë seancës gjyqësore ku po hetohet vdekja e yllit katër vjet më parë.
Shtatë profesionistë të kujdesit shëndetësor janë në bankën e të akuzuarve për gjykimin që po zhvillohet në San Isidro, të akuzuar për neglizhencë fatale në vdekjen e futbollistit.
“Shtëpia ishte shumë e pistë, shumë e çrregullt, veçanërisht dhoma. Nuk kishte asnjë lloj rregulli ose të paktën pastërti elementare, për të qenë në gjendje të kishim një person të sapo operuar”, tha Colin Campbell, një mjek që ishte fqinj i yllit dhe që u thirr për ta ndihmuar atë kur u bë e qartë se Maradona nuk po përgjigjej.
Campbell tha se natën që Maradona vdiq, më 25 nëntor 2020, ai hyri në shtëpinë e një komuniteti të mbyllur në Tigre për të gjetur një infermiere që po përpiqej të ringjallte ish-futbollistin 60-vjeçar.
Me intervenimin e infermieres, ajo vuri re se temperatura e trupit dhe ngurtësimi i nofullës së legjendës së futbollit tregonin se “ai nuk kishte asnjë shenjë vitale për një kohë të gjatë”.
“Më shumë se një ose dy orë, me siguri,” u tha Campbell gjyqtarëve në gjykatën në San Isidro, një periferi veriore të Buenos Aires.
Mjeku u thirr atë ditë në orën 12:26 nga personeli i sigurisë nga komuniteti i mbyllur sepse ylli kishte “humbur vetëdijen”.
Juan Carlos Pinto, një tjetër mjek që mbërriti me ambulancën e parë, konfirmoi versionin e Campbell duke deklaruar se pacienti ishte tashmë i vdekur.
Lexo po ashtuFormacionet zyrtare Real Madrid – BarcelonaPinto tha se ishte ai që i tha ish-gruas së Maradonës, Claudia Villafañe dhe vajzave të tij, të cilat tashmë ishin të pranishme se Maradona kishte vdekur për më shumë se dy orë.
“Nuk kishte asgjë që mund të ndihmonte me ringjalljen, nuk kishte oksigjen, nuk kishte tuba oksigjeni, nuk kishte asnjë defibrilator,” tha Pinto, duke konfirmuar versionin e Campbell për ngjarjet.
Maradona vdiq nga një krizë kardiorespiratore në shtëpinë e tij në Tigre, ku ishte shtruar në spital në shtëpi pas një ndërhyrje neurokirurgjke.
Shtatë profesionistë shëndetësorë (mjekë, infermierë, një psikiatër dhe një psikolog) akuzohen për vrasje me dashje, që nënkupton se ata ishin të vetëdijshëm se veprimet e tyre mund të shkaktonin vdekjen.
