Ai mbërriti në Male rreth orës 03:00 me orën lokale. Rajapaksa, gruaja e tij dhe dy truproja morën një avion ushtarak me vete, thanë burimet për AFP.
Mendohet se Rajapaksa, i cili gëzon imunitet nga ndjekja penale ndërsa është president, ka ikur në Maldive për të shmangur mundësinë e arrestimit nga qeveria e re.
Ai tani besohet se po udhëton në një vend të tretë. Nuk është ende e qartë se ku do të shkojë ai, por ka zëra se mund të jetë Singapori apo Dubai.
Në mungesë të tij, ai ka emëruar kryeministrin Ranil Wickremesinghe, një aleat të tij, si president në detyrë.
Rajapaksa ishte fshehur pasi protestuesit pushtuan zyrën dhe shtëpinë e tij të shtunën. Ai është zotuar të japë dorëheqjen sot, raporton BBC, transmeton teve1.info
Ndërsa kjo nuk ka ndodhur ende, kryetarja e parlamentit, Mahinda Yapa Abeywardena, tha më herët se Rajapaksa planifikon të dorëzojë letrën e tij të dorëheqjes sot.
Kjo do t’i japë fund sundimit të familjes Rajapaksa që ka dominuar politikën në Sri Lanka për dy dekadat e fundit.
Vëllai i tij, ish-ministri i Financave Basil Rajapaksa, gjithashtu është arratisur nga Sri Lanka dhe thuhet se do të shkojë në SHBA.
