Një lokal në rrugën “Rrustem Mustafa” të Prishtinë u bë skenë krimi.
Naser Gashi, burri rreth të 60-tave që sipas familjarëve kishte dal për kafe pas iftari në këtë lokal, mbeti i vrarë nga një plumb, teksa i plagosur mbeti edhe një tjetër me inicialet M.M.
Krejt ngjarja dyshohet që ndodhi kur një veturë luksoze u ndal para lokalit dhe dy persona që dolën prej saj filluan të shtinë me armë në drejtim të burrave që ishin brenda.
Të dyshuarit janë ende në arrati.
E familjarët e viktimës nuk pranuan të flasin para kamerës mirëpo mbrapa saj treguan se i ndjeri nuk ka pasur lidhje me rastin dhe është vrarë aksidentalisht.
Këtë e theksoi edhe Afrim Veseli, familjar i të ndjerit i cili e përshkruajti Gashin si burrë të qetë.
“Euu tezak shpirti dritë të baftë.
Rruga jote ishte shtëpi punë e xhami.
Kur vrasësit vrasin edhe mysafirët në restorant”.
Ndërsa, trajtimin mjekësor burri që u plagos po e merr në Klinikën e Ortopedisë në Qendrën Klinike Universitare të Kosovës.
