U soll duarlidhur në gjykatore.
Jelena Gjukanoviq, akuzohet për spiunazh tek BIA serbe për vite me radhë.
Shpërndarjen e informacioneve të ndjeshme, ajo sipas prokurorisë e bëri duke përdorur pozitën e saj si zyrtare e Misionit të OSBE-së në Kosovë.
Prokurori special, Bekim Kodraliu, gjatë leximit të aktakuzës shpjegoi lidhjet dhe mënyrën e shpërndarje së këtyre informacioneve.
Këto akuza, Gjukanoviq nuk i pranoi.
“Nuk e pranoj fajësinë”.
Ajo gjatë dhënies së të dhënave personale, theksoi se ende është e punësuar në OSBE.
“Tani jam në mungesë, por ende jam e punësuar në OSBE”.
Mbrojtja e Gjukanoviq, kërkoi rishikim të masës së paraburgimit.
“Meqë nuk ka asnjë dëshmitar që do të thirret për të dëshmuar dhe të gjithë provat materiale Prokuroria Speciale i ka siguruar, konsideroj se nuk ka arsye që Gjukanoviq të qëndroj në paraburgim, pasi nuk ekziston rreziku i ndikimit në dëshmitarë apo në prova”, deklaroi avokati.
Mbrojtja brenda 15 ditësh, kanë të drejtë të kundërshtojnë aktakuzën dhe provat për këtë vepër penale.
