Në ceremoninë e certifikimit, ministrja Arbërie Nagavci tha se sigurimi i cilësisë është një nga prioritet e qeverisë. Po ashtu, u theksua se shkalla e papunësisë mbetet e lartë në Kosovë.
Drejtoresha e projektit ALLED 2, Efka Heder tha se trajnimet janë zhvilluar në 30 për qind të shkollave.
“Sa i përket cilësisë në shkollat profesionale, ky është një mision kyç në ofrimin e shkollimit profesional. Procesi ka filluar para COVID-19 dhe ka vazhduar dhe po e përmbyllim sot. Kemi arritur të bëjmë një zgjidhje sistematike. Deri më sot kemi zhvilluar një 30 përqindësh në shkollat. Jemi të gatshëm me ministren Nagavci për implementimin në të gjitha shkollat në Kosovë, në përputhje me politikat e BE-së”, ka thënë ajo.
Në ceremoninë e certifikimit të drejtorëve e koordinatorëve, ministrja Nagavci tha se ky projekt kishte për qëllim përmirësimit e cilësisë në shkollat profesionale.
“Sigurimi i cilësisë, përveç se është një element kryesor i kornizës politike të BE-së për arsimin dhe aftësimin profesional, është po ashtu shumë i rëndësishëm edhe për ministrinë dhe qeverinë tonë. Për të cilën komponentë jemi duke ndërmarrë një varg masash në vazhdimësi dhe është një nga prioritetet e qeverisë sonë. Qëllimi i Ministrisë së Arsimit është që të aplikojmë në mënyrë sistematike mekanizmat për sigurimin e cilësisë, në të gjitha nivelet e arsimit. Me këtë rast për shkollat profesionale këtë e iniciuam me ndihmën e projektit ALLED2, e cila na ofroi zgjidhje sistematike për sigurimin e cilësisë për shkollat profesionale. ALLED 2 zhvilloi një program gjithëpërfshirës për qasje të standardizuar drejt zbatimit të plotë të sigurimit të cilësisë në nivel të ofruesve, duke mbështetur në atë që ishte zhvilluar tashmë edhe nga programe të ndryshme të mëhershme”, ka deklaruar Nagavci.
Sipas saj, në fillim është zhvilluar një studim mbi performancën aktuale të koordinatorëve për sigurimin e cilësisë, për çka shërbeu edhe për hartimin e një programi të trajnimit.
Edhe ambasadori i Austrisë në Kosovë, Christoph Weidinger ka folur për rëndësinë e këtij projekti, ku tha se arsyeja e zbatimit është që shkollat të jenë më konkurruese.
“Projekti i ALLED ka mbështetur shkollat profesionale për të mirëmbajtur mekanizmat e sigurimit të cilësisë dhe duke mbështetur më tutje zhvillimin e kapaciteteve të koordinatorëve si dhe sigurimi të cilësisë për drejtorët e shkollave profesionale. Por gjithashtu duhet të fokusohemi edhe në atë çka kemi arritur sa i përket intervenimit të deritanishëm, 31 koordinatorë nga 20 shkolla profesionale në Kosovë, ku përfshihen 30 për qind të shkollave profesionale dhe drejtorët e shkollat kanë marrë pjesë në një program gjithëpërfshirës të përgatitur nga ana jonë. Koordinatorët e cilësisë kanë pasur mundësinë që të mbajnë nivelin e kolegëve dhe të ndihmojnë njëri-tjetrin për mentorimin dhe këshillimin nga ana e njëri-tjetrit…. Arsyeja pse kemi zbatuar këtë projekt, është që të ndihmojmë shkollat profesionale në Kosovë që të jenë më cilësore më konkurruese”, u shpreh ai.
Përfaqësuesi nga Zyra e BE-së në Kosovë, Johannes Madsen theksoi se ky është një intervenim i domosdoshëm në Kosovë. Sipas tij, sigurimi i cilësisë në shkolla profesionale në shkollat profesionale është e domosdoshme për përgatitjen për treg të punës.
“Shkalla e papunësisë mbetet e lartë me 17.7 për qind. Problemi më i madh është se fuqia punëtore joaktive mbetet 60 për qind, duke ndikuar kryesisht gratë. Disa numra janë mbresëlënës për mua. 77.5 për qind kanë qenë në vitin 2021, vetëm 14 për qind të grave formalisht punojnë në Kosovë. Ka arsyeje të shumta pse është kjo gjendje kështu. Lidhet sa i përket sfidave të cilat shkollat profesionale dhe qendra për zhvillim profesionale, i kuptoj kërkesat dhe trendet që po zhvillohen në industrinë e punës. Bizneset private nuk janë të kënaqur me shkathtësisë dhe hezitojnë të marrin të rinjtë në punë që kanë diplomuar nga shkollat profesionale”, tha ai.
Projekti ALLED 2, i mbështetur nga Bashkimi Evropian, ka trajnuar drejtorët e shkollave dhe koordinatorët për cilësi, me qëllim të harmonizimit të arsimit dhe aftësimit me nevojat e tregut. /KP
