Komisioni Qendror i Zgjedhjeve ka certifikuar sot rezultatet e zgjedhjeve të 28 dhjetorit.
Sipas këtyre rezultateve, VV do të ketë 57 ulëse, PDK 22, LDK, 15 dhe AAK 6. Rezultatet e certifikuara tashmë janë publikuar në webfaqen e KQZ-së.
Më poshtë gjeni emrat e të 120 deputetëve që kanë siguruar ulëse:
https://drive.google.com/file/d/1fg019ghBEQSOs_ZAJm9YlILGdW_nS4oQ/view
Hapi i radhës tash është thirrja e seancës konstituive.
Seanca duhet të mbahet brenda 30 ditësh dhe duhet të thirret nga Presidentja Vjosa Osmani, por në rast se ajo nuk e thërret seancën, Kuvendi mblidhet vetë në ditën e 30’të.
Përgatitja për seancën konstituive është përgjegjësi e kryetarit të legjislaturës paraprake, në këtë rast Dimal Bashës.
Ai duhet të zhvillojë një takim të përbashkët me krerët e subjekteve politike parlamentare, jo më vonë se pesë ditë para seancës, për të përgatitur rendin e ditës dhe për të caktuar vendet e deputetëve në Kuvendin e ri.
Rregullorja përcakton se seanca konstituive ka katër pika të rendit të ditës: formimin e Komisionit të Përkohshëm për Verifikimin e Kuorumit dhe të Mandateve, betimin e deputetëve, zgjedhjen e kryetarit të Kuvendit dhe atë të nënkryetarëve.
