Kryetari i Aleancës për Ardhmërinë e Kosovës, Ramush Haradinaj tha se në pritjen solemne të organizuar nga ambasadori Petrit Malaj, në prag të shënimit të 113-vjetorit të Pavarësisë, siç tha ai, përkujtuan aktin sublim që i dha jetë shtetit shqiptar të lirë e sovran.
Haradinaj përmes një postimi në Facebook tha se “në veprim për të drejtën tonë ishim e do të jemi bashkë gjithnjë”.
“28 Nëntori si kryefestë e shqiptarëve që nga viti 1443, për të vazhduar më 28 nëntor 1912 me aktin shpalljes së pavarësisë e deri tek 28 nëntori i 1997 me daljen e parë publike të UÇK-së, është emocioni më sublim i çdo shqiptari”.
“Në veprim për të drejtën tonë ishim e do të jemi bashkë gjithnjë. Identitetin perëndimor populli shqiptar e ka të rrënjosur në qenësinë e tij. Bashkimin në familjen e madhe evropiane, krah për krah, do ta bëjmë realitet”, ka shkruar Haradinaj.
