Ministri i Kulturës, Hajrulla Çeku ka thënë se terroristët serbë kanë dëmtuar strukturën fizike të Manastirit të Banjskës gjatë sulmit të së dielës.
Ai tha se përveç dëmit fizik, qëllimi i tyre ishte që të dëmtohen marrëdhëniet ndërfetare dhe ndëretnike në Kosovë.
“Sulmi terroriste i sponsorizuar nga shteti i Serbisë, përveç që ja mori jetën një polici të devotshëm të Kosovës, kishte edhe dimension të rrezikshëm dhe të dëmshëm atë të përdorimit të një aseti të trashëgimisë kulturore dhe fetare për qëllime kriminale. Manastiri i Banjskës është përdorur si strehë nga grupi terroristë përfshirë armatimin e tyre… Nga ajo që kemi parë terroristët kanë shkaktuar dëme jo të vogla në strukturën fizike të Manastirit. Besojë thellë që qëllimi kryesor i këtij grupi, por edhe i urdhërdhënësve të tyre ka qenë se përveç se dëmit fizik në manastir të dëmtohen marrëdhëniet ndërfetare dhe ndëretnike në Kosovë”, tha Çeku në Mbledhjen e Qeverisë.
Ai tha se pas vlerësimit të dëmeve, do të marrin të gjitha veprimet e nevojshme më qëllim të sanimit të dëmeve në strukturën fizike të këtij Manastiri.
