Ministri në detyrë i Kulturës, Hajrulla Çeku ka thënë se festivali Sunny Hilll, çdo vit Prishtinën e bënë skenë ndërkombëtare.
Ai në një postim në Facebook ka falënderuar këngëtaren Dua Lipa për organizmin e kësaj ngjarje, duke thënë se ky është shembulli më i mirë për dashurinë ndaj vendit.
“Me vizionin e Dua Lipës dhe përkushtimin e ekipit të saj, Sunny Hilll ka krijuar një hapësirë ku muzika, arti dhe rinia jonë bashkohen me energjinë e botës. Çdo vit, Prishtina bëhet skenë ndërkombëtare, ku Kosova shihet, dëgjohet dhe vlerësohet për atë që është: e talentuar, krijuese dhe e hapur për botën. Dua është shembulli më i mirë se si dashnia për vendin mund të shndërrohet në veprim me ndikim të jashtëzakonshëm”, ka shkruar Çeku.
