Ministri në detyrë i Kulturës, Rinisë dhe Sportit, Hajrullah Çeku ka njoftuar se punimet për rijetësimin e rrugës “Marin Barleti” në Prizren janë duke vazhduar.
Çeku, përmes një postimi në Facebook ka thënë se kësaj rruge po i rikthehet karakteri historik ‘ i munguar për më shumë se dy dekada’.
“Puna për rijetësimin e rrugës Marin Barleti po vazhdon, dhe ndryshimi tashmë është i dukshëm. Kësaj rruge po i rikthehet karakteri historik, i munguar për më shumë se dy dekada”, ka shkruar Çeku.
Ndryshe, rruga “Marin Barleti” gjendet në kuadër të kompleksit të Nënkalasë, Pantelisë dhe Potok Mahallës, që është pjesë e Listës së trashëgimisë kulturore nën mbrojtje të përkohshme, si dhe është pjesë integrale e zonës historike e qytetit të Prizrenit.
