Ministi i Kulturës, Hajrullah Çeku ka thënë se është thellësisht i prekur nga djegia e mbrëmshme e Muzeut të Muzikës në Gjakovë.
Çeku në Facebook tha se ndërtesa e Muzeut të Muzikës, aseti Taphanja në Gjakovë, do të restaurohet dhe do të kthehet në gjendjen origjinale.
Teksa theksoi se ai si ministër i Kulturës do të angazhohet për funksionalizimin e muzeut.
“Jemi thellësisht të prekur nga krimi i mbrëmshëm ndaj trashëgimisë kulturore të Gjakovës. Të gjithë përgjegjësit duhet të marrin dënimin e merituar. Ndërtesa e Muzeut të Muzikës, aseti Taphanja në Gjakovë do të restaurohet dhe do të kthehet në gjendjen origjinale. Pas restaurimit, si ministri do t’i marrim të gjitha masat për funksionalizimin e muzeut”, tha Çeku.
Ndryshe, Muzeu i Muzikës në Gjakovë është përfshirë nga zjarri mbrëmjen e djeshme. Teksa nuk është raportuar për pasoja në njerëz./teve1.info./
