Ministri i Kulturës, Rinisë dhe Sportit, Hajrulla Çeku ka ngushëlluar familjarët e aktorit, Lulzim Rexha për vdekjen e tij.
Në njoftimin e MKRS-së thuhet se puna artistike e Lulzimit ka lënë gjurmë në artin skenik dhe filmik të vendit.
“Me pikëllim të thellë mora lajmin për ndarjen e hershme nga jeta të më të dashurit tuaj, aktorit Lulzim Rexha. Lulzimi do të mbetet gjithmonë në kujtesën tonë për talentin, përkushtimin dhe kontributin e tij të çmuar në skenën teatrore dhe kinematografinë tonë. Puna e tij artistike, qoftë përmes roleve në teatër, projekteve filmike apo angazhimit publik, ka lënë gjurmë në artin skenik dhe filmik të vendit”, thuhet ndër tjera./teve1.info/
