Ministri i Kulturës, Hajrulla Çeku, i ka quajtur “qyqarë të orkestruar” disa qytetarë të Skenderajt të cilët kanë brohoritur “Thaçi, Thaçi” gjatë tubimit që kryeministri, Albin Kurti ka mbajtur sot në këtë komunë.
Ai ka thënë se janë duke thyer bastione cep më cep dhe sipas tij politikat primitive nuk do të kalojnë.
“Disa qyqanë të orkestruar nga partia paskan tentu me e pengu tubimin e Vetëvendosjes në Skënderaj. Për çudi, komuna paralele e Serbisë atje nuk ju bënte fort përshtypje. Harroni që na ndalni. Po thyejm bastione një nga një, cep më cep. Dje në Deçan, sot në Drenicë, e çdo ditë deri në 500 mijë zemrat e 9 shkurtit. Politika primitive nuk kalon”, ka shkruar ai në Facebook.
