Basketbollistja e Bashkimit, Caterrion Thompson është shpallur “MVP” për xhiron e 13-të në Superligën e femrave.
Thompson ishte më e mira e xhiros së fundit, duke siguruar edhe një herë çmimin kryesor për paraqitjen më të mirë.
Bashkimi në xhiron e fundit, e mposhti Junior 06 kurse Thompson shënoi 30 pikë, pati edhe 11 kërcime e 3 asistime.
Krahas çmimit “MVP i Javës”, Thompson ka zënë vend edhe në ekipin më të mirë të kësaj xhiroje, pjesë e së cilit është edhe bashkëlojtarja e saj, Adrienne Godbold që realizoi 14 pikë, 6 kërcime e 5 asistime.
Edhe Prishtina që triumfoi ndaj Pejës 03, i ka dy lojtare në pesëshen më të mirë, me Alaina Rice dhe Jayla Johnson.
Rice regjistroi 25 pikë, 10 kërcime e 4 asistime kurse Johnson kontribuoi me 25 pikë e 9 kërcime.
Pesëshja e xhiros, mbyllet me amerikanen e Penzës, Nicole Terry që pati 12 pikë, 13 kërcime e 15 asistime në fitoren e ekipit të saj kundër Trepçës.
