Pas shpalljes së vendimit të trupës gjykuese më 2 korrik, ku Sean “Diddy” Combs u shpall i pafajshëm për abuzim dhe trafikim seksual të ish-të dashurës së tij Cassie Ventura, këngëtarja ka reaguar përmes ekipit të saj ligjor.
Avokati i saj, Douglas H.Wigdor, përmes një deklarate dhënë revistës Us Weekly, theksoi:
“E gjithë kjo procedurë penale nisi pikërisht kur klientja jonë, Cassie Ventura, pati guximin të paraqiste padinë civile në nëntor 2023. Edhe pse gjykata nuk e shpalli Combs fajtor për abuzim dhe trafikim seksual ndaj Cassie-s përtej dyshimit të arsyeshëm, ajo hapi rrugën që drejtësia ta shpallte fajtor për akuzat e tjera.”
Wigdor shtoi më tej:
“Duke ndarë përvojën e saj me publikun, Cassie ka lënë një gjurmë të pashlyeshme, si në industrinë muzikore, ashtu edhe në betejën për drejtësi. Pa asnjë rezervë, ritheksojmë se e besojmë dhe e mbështesim plotësisht klienten tonë, e cila tregoi kurajo të jashtëzakonshme përgjatë gjithë këtij procesi. Ajo dëshmoi një forcë të jashtëzakonshme dhe nxori në pah të vërtetën mbi realitetin e errët të burrave me pushtet dhe abuzimeve që kanë ndodhur për dekada pa asnjë pasojë.”
Në përfundim, ekipi ligjor deklaroi se do të vazhdojnë të luftojnë në emër të të mbijetuarve të abuzimeve dhe trafikimit seksual.
Cassie reagon pas shpalljes së vendimit ndaj P.Diddy-t: “I hapa
Sean “Diddy” Combs u gjykua për pesë akuza të rënda federale, përfshirë: përfshirje në grup kriminal, trafikim qeniesh njerëzore me qëllim prostitucionin, abuzim seksual dhe të tjera vepra të rënda.
Megjithatë, gjykatësit nuk e shpallën fajtor për akuzën e trafikimit me qëllim prostitucionin në rastin e ish-të dashurës së tij Cassie Ventura dhe “Jane Doe”.
Ai u shpall fajtor për dy raste të tjera, ku po ashtu akuzohet se ka trafikuar dy vajza me qëllim prostitucionin, ku në secilin rast parashikohet deri në 10 vite burg. Prokuroria ka kërkuar që dënimet të aplikohen në mënyrë të njëpasnjëshme, që do të thotë se Diddy mund të përballet me deri në 20 vite burgim.
Cassie Ventura, e cila fillimisht ngriti padi civile ndaj Diddy-t në vitin 2023, dëshmoi në gjyq gjatë majit dhe tregoi raste të shumta të abuzimeve fizike dhe seksuale.
