Ndeshja kundër Athletic Bilbaos, do të jetë e fundit për kapitenin Dani Carvajal me fanellën e skuadrës së Real Madridit.
Klubi mbretëror, të hënën ka njoftuar se kanë arritur marrëveshje me Carvajalin për t’i dhënë fund këtij kapitulli të mrekullueshëm me të përfunduar sezoni aktual.
Reali ka falënderuar Carvajalin për gjithçka, duke e vlerësuar si legjendë të klubit si dhe i ka dëshiruar gjitha të mirat në vazhdim.
Carvajal iu bashkua Real Madridit në vitin 2002 në akademinë e klubit, përpara se të luajë me ekipin e parë për 13 sezone, duke fituar gjithçka që mund të fitohet.
Mbrojtësi i krahut të djathtë, ka fituar hiq më pak se 27 trofe, përfshirë 6 herë Ligën e Kampionëve dhe katër herë titullin e kampionit në La Liga, ku ka regjistruar 450 paraqitje në total dhe realizuar 14 gola.
