Boksierja nga klubi i boksit Dardanët, Suela Canolli ka kaluar në finalen e Kampionatit Ballkanik të boksit për juniorë që po mbahet në Rumani.
Canolli ka pasur deri më tani paraqitje mjaft të mira në këtë kampionat dhe synimi i saj i radhës është medalja e artë në këtë kompeticion.
Suela Canolli është një nga boksieret më me perspektivë në Kosovë, ku më parë ka marrë pjesë edhe në Europanin e boksit për juniorë.
Finalja e kampionatit Ballkanik për junior në sportin e boksit do të mbahet muajin e ardhshëm.
