Diplomati, Blerim Canaj ka thënë se është për keqardhje mungesa e krerëve të shtetit të Kosovë në ceremoninë e inaugurimit të presidentit të SHBA-ve, Donald Trump.
Ai tha se kjo është hera e parë që po ndodhë një gjë e tillë.
Sipas tij, kjo është tregues i qartë u raporteve në mes të kryeministrit, Albin Kurti dhe qeverisë amerikane.
“Është për keqardhje mungesa e krerëve të shtetit të Kosovës në inaugurimin e presidentit të SHBA-ve Donald Trump. Është hera e parë që po na ndodhë një gjë e tillë si Kosovë. Eshtë për keqardhje kur e kemi parasysh që R. e Kosovës shtet-formimi dhe shtet-ndërtimi i saj është bërë pikërisht me përkrahjen e SHBA-ve dhe duke pasur afër ata. Sot të mos jemi ne atje është tregues i qartë i raporteve të Kurtit me qeverinë amerikane dhe është njëfarë sinjali i qartë për Kurtin se çfarë mendon dhe si do të jetë raporti i qeverisë në ardhje në SHBA me kryeministrin tonë”, ka thënë ai në emisionin “Ditari” në Tëvë1.
Ndryshe, në këtë ceremoni presidentja Vjosa Osmani dërgoi një delegacion i cili kryesohet nga ambasadori në SHBA, Ilir Dugolli.
Ndërkaq, kryetari i Aleancës për Ardhmërinë e Kosovës, Ramush Haradinaj, ish-presidenti Behgjet Pacolli, kryetari i Prishtinës, Përparim Rama si dhe biznesmeni Shkëlqim Devolli, por marrin pjesë në ceremoni.
Donald Trump tashme është betuar si presidenti i 47-të i Shteteve të Bashkuara të Amerikës.
