Ish-diplomati, Blerim Canaj, thotë se emri i Fatmir Limajt mund të propozohet për kryeparlamentar të Kuvendit të Kosovës.
Madje, ai thotë se Limaj mund të jetë edhe zëvendëskryeministër dhe t’i ketë tri ministri.
“Ka shumë gjasa që diçka mund të ndodhë. E dimë që është përfolur emri i Fatmir Limaj për kryetar. Mund të jetë emri i tij, mirëpo kam përshtypjen që Limaj mund të jetë zëvendëskryeministër dhe t’i ketë tri ministri prapë. Kam përshtypjen që aty edhe është insistimi. Përflitet edhe për atë që Limaj mund ta ketë kryetarin e Kuvendit dhe dy ministri. Cila është llogaria? Kjo është çështje e kompromiseve”, tha ai në Tëvë1.
