Ish-ambasadori i Kosovës në Bullgari, Edon Cana vlerëson se policia e Kosovës nuk do të veprojë më në veri siç ka vepruar më përpara, për shkak të zhvillimeve të fundit në atë pjesë.
Sipas tij përgjeëgjësitë e policisë atje do t’i marrë KFOR-i.
“Asociacioni do të jetë mekanizëm që i shërben një qëllimi e qëllimi i nivelit ekzekutiv është vetmenaxhimi. Në veri më nuk do të ketë mundësi që policia e Kosovës të veprojë në formën si ka vepruar para një jave. KFOR-i do t’i merr përgjegjësitë që nuk i kanë takuar më herët, pra, kryeministri Kurti e ka fuqizuar rezolutën 1244. Si mendoni ju se do të veprojnë serbët pas zgjedhjeve të reja? Zgjedhjet e reja normal që do të kemi kryetarë nga Lista Serbe dhe ata do të ndërmarrin veprime që do të jenë në dëm të karakterit unitar të shtetit të Kosovës. Po kthehemi në kohën para 2008. Dhe ky do të jetë dëmi që kryeministri Kurti i ka shkaktuar Kosovës me aventurat e tij, të pakoordinuara duke sjellur, duke taktizuar me shtetet të cilat ia garantojnë sigurinë në veri”, ka thënë Cana në Ditari në Tëvë 1.
