Eguen Cakolli nga Instituti Demokratik i Kosovës ka thënë se pas 26 korrikut nëse nuk ka konstituim të Kuvendit, atëherë më deputetët nuk kanë të drejtë të mblidhen.
Ai ka thënë se nëse ndodh kjo i humbet efekti afatit të dhënë nga Gjykata Kushtetuese dhe ky do të ishte precedent i dëmshëm.
“Unë besoj që Kuvendi realisht nuk duhet të ketë të drejtë më as të mblidhet dhe nuk ka të drejtë të mblidhet, sepse kësisoj i humbet kuptimi i normës dhe afatit të përcaktuar nga aktgjykimi i Gjykatës Kushtetuese, sepse i bije se çdo afat nga Kushtetuesja është këshillues dhe jo detyrues, që në fakt kjo nuk qëndron”, ka thënë Cakolli në emisionin “InfoNata” në Tëvë1.
Ai duke komentuar lendet që ka dërguar presidentja Vjosa Osmani në Gjykatën Kushtetuese, atë të masës së përkohshme dhe atë se çfarë do të ndodhë nëse s’ka konstituim të Kuvendit, janë të paqarta ose të paarsyeshme.
Cakolli ka thënë se Osmani me kërkesën për masë të përkohshme ka paragjykuar procesin.
“Kërkesa aktuale nga presidentja, 5 ditë para afatit përmbajnë në vete disa elemente që janë ose të paqarta ose të paarsyeshme dhe qëndrueshme si të tilla. Presidentja sidomos me masën e përkohshme që ka dërguar, në radhë të parë paragjykon që brenda afatit kushtetues nuk do të ketë zgjidhje për kundër faktit që deri tash kemi parë deklarime publike nga Nisma dhe LVV që janë afër arritjes së një marrëveshje. Kjo e bënë të panevojshme masën e përkohshme”, ka thënë ai.
