Deputetja e Aleancës për Ardhmërinë e Kosovës, Albana Bytyqi ka reaguar pas zgjedhjes së Luljeta Aliut anëtare të Komisionit të Pavarur të Mediave.
Ajo në Facebook, ka thënë se Lëvizja Vetëvendosje ka politizuar edhe KPM-në, derisa ka shtuar se është tejet e shqetësuar se deri “ku ka shkuar niveli i këtij pushteti”.
“Përgëzime edhe njëherë Lëvizjes Vetëvendosjes, për politizimin e KPM-së, duke përzgjedhur sot, si anëtare të këtij Komisioni përkrahësen dhe militanten e tyre, Luljeta Aliu.
Tejet shqetësuese se deri ku ka shkuar niveli i këtij pushteti dhe çfarë është në gjendje të bëjë për të kapur secilin institucion për ta ushtruar ndikimin e tij”, ka shkruar ajo.
Ndryshe, sot Luljeta Aliu është zgjedhur anëtare e Komisionit të Pavarur të Mediave.
Aliu arriti të zgjedhet me 48 vota të marra në Kuvendin e Kosovës, ndërsa dy kandidatët e tjerë nuk i morën votat e mjaftueshme dhe për ta, do të përsëritet edhe njëherë votimi, raporton teve1.info
“Me 48 vota, zgjedhet anëtare Luljteta Aliu, kurse për kandidatët e propozuar për zgjedhjen e dy anëtarëve, nga katër kandidatët, s’ka mundur të zgjedhet asnjë anëtarë. Nuk e ka arritur asnjëri numrin e 46 votave, sa ishin të nevojshme për t’u zgjedhur anëtar i KPM-së”, tha Konjufca./teve1.info
