Bytyqi në emisionin “Ditari” në Tëvë1, tha se në këtë Komision ka raste kur viktimat thonë se janë adresuar në Polici, por që të njëjtit nuk i kanë marrë seriozisht.
“Në komisionin për të drejtat e njeriut kemi pasur shumë raste ku janë adresuar tek ne dhe me keqardhje po e them se ka shumë se nuk din ku të drejtohen dhe duhet më shumë kampanja vetëdijesimi. Ka raste ku thonë se ‘jemi adresuar në polici, në momentin që jemi adresuar policia nuk na ka trajtuar në mënyrën më të mirë të mundshme’ se kanë thënë ‘hajt se ti e ke burrë’, ‘nuk të ka bërë asgjë’. Ne duhet të dalim me këto veprime që t’i ndalojmë dhe t’i trajtojmë në mënyrën më të mirë në mundshme”, ka thënë ajo.
Sipas saj, ulja e pagave i demoralizon gjykatësit dhe prokurorët, ku hezitojnë të bëjnë punë të mirë për qytetarët.
“Kjo është shkelje e të drejtave të njeriut, ku gjithashtu po e shkatërron sistemin e drejtësisë sepse me uljen e pagave i demoralizon edhe gjykatësit dhe prokurorët, ku hezitojnë të bëjnë një punë të mirë të cilët janë në shërbim të qytetarëve. Kjo është e dëmshme për Qeverinë, për qytetarët dhe sidomos viktimat e dhunës në familje. Është e palogjikshme”, ka deklaruar Bytyqi.
Një 70-vjeçar dyshohet se ka vrarë me sëpatë gruan e tij 63-vjeçare në Prishtinë. I dyshuari është vetëdorëzuar dhe është dërguar në qendrën e ndalimit. /Teve1.info/
