Profesor Bytyqi thotë se Bashkimi Evropian e ka një qasje mjaft akomoduese ndaj Serbisë.
“Faktikisht kjo është dështim i vetë Bashkimit Evropian më shumë, pamundësia për të bindur palët, kryesisht për ta bindur Serbinë sepse dihet që Be-ja ka një qasje mjaftë akomoduese ndaj Serbisë sidomos kur Serbia shfaqet si mjaft pro ruse dhe mjaftë ka një nivel të lartë të nacionalizimit… kultivohet ultranacionalizimi dhe BE-ja e toleron atë kështu që e kisha quajtur më shumë dështim epik të BE-së”, tha ai.
I ftuar në emisionin “Ditari” në Tëvë1, Byqyti thotë se shanset më të mëdha për një marrëveshje varen nga rruga evropiane e Serbisë dhe Kosovës.
“Mendoj që është me rëndësi sepse shanset më të mëdha për një marrëveshje varen shumë nga rruga evropiane e Serbisë dhe e Kosovës….Nuk ka lidhje që sot nuk ka marrëveshje, me rëndësi është që tash në agjendë është futur një marrëveshje përfundimtare”, shtoi ai në fund./Teve1.info/
