Historiani, Jusuf Buxhoi duke folur për raportet ndërmjet Kosovës dhe Shqipërisë, ka thënë se nuk janë në rrugën e duhur.
Ai ka thënë se në këto raportet ekziston një rivalitet i hershëm.
Por, si “qetësim” të situatës ai e sheh një vendim që duhet ta marrë Shqipëria.
Ai, sipas Buxhovit është që 17 shkurti, dita e shpalljes së pavarësisë së Kosovës të jetë festë zyrtare në Kosovë.
“Relacionet e Shqipërisë me Kosovën nuk janë ato që do të duhej të ishin. Ekziston një rivalitet prej Ismail Qemalit, Hasan Prishtinës, Komiteti i Kosovës, sakrifica Bajram Currit e të tjerëve, janë probleme që mbesin të hapura. Për mi ndal këto lëvizjet tektonike në botën shqiptare, Shqipëria duhet ta shpall 17 shkurtin festë zyrtare. Flamuri i Kosovës duhet të jetë i ngritur në gjithë Shqipërinë dhe të konsiderohet si arritja më e madhe e saj. Me këtë Shqipëria në një farë mënyre barazon dhe heq çfarëdo anateme të paternalizmit, në të njëjtën kohë, Kosova dhe politika e saj lirohet prej konceptit të inferioritetit se vetëm të bashkuar mund arrijë në një baraspeshë”, ka thënë Buxhovi në emisionin “Këndi i Debatit” në Tëvë1.
Ndërsa, sa i përket deklaratës së kryeministrit në detyrë të Kosovës, i cili sot uroi për një nëntor të tretë, duke aluduar në bashkimin kombëtar, Buxhovi tha se është pjesë e deklarimit të vazhdueshëm të Kurtit, që siç ka vlerësuar Buxhovi politikisht i paqëndrueshëm.
“Është pjesë e asaj që ai e ka folur vazhdimit, fjalomanin për bashkim kombëtar e të tjera, politikisht të paqëndrueshëm. Unë mendoj se figurativisht nëntori i tretë do të mund të quhet shpallja e pavarësisë së Kosovës”, ka thënë Buxhovi
