Nga ora 11:00 paradite i filluan diskutimet.
E për pesë orë rresht deputetët e Kuvendit të Kosovës debatuan për buxhetin e vitit 2026.
Polemikat kryesore u ngritën për faktin e mospërfshirjes në buxhet të shumë prej premtimeve që kryeministri Albin Kurti, i tha natën kur mori detyrën.
Në buxhetin e vitit 2026 nuk janë paraparë ndarjet buxhetore për Prishtinën.
Prandaj, kundër buxhetit u deklarua edhe Lidhja Demokratike e Kosovës.
Përkundër këtyre mospajtimeve, ministri i Financave, Hekuran Murati, ritheksoi edhe njëherë se votimi i buxhetit është një urgjencë.
Diskutimet vazhduan edhe më tej për fusha të ndryshme.
Por pavarësisht kundërshtimeve, kjo pikë e rendit të ditës u hodh në votim.
Kësaj radhe përmes votimit elektronik, buxhetin në shqyrtim të parë kaloi me 66 vota për, 32 kundër dhe pesë abstenime.
Menjëherë pas kësaj, u votua edhe për shtyrje të afateve procedurale.
E shqyrtimi i dytë mbeti për të premten e 20 shkurtit, ne orën 11:00.
