Deputetja e LDK-së, Valentina Bunjaku, thotë se rritja e rrogave për shërbyesit civilë ka shkelje të ligjit, dhe është “hajgare”.
Bunjaku thotë se me rritjen e pagave, kryeministri Albin Kurti i ka mashtruar qytetarët që vetë i ka quajtur analfabetë.
“Kjo rritje është thjesht hajgare, besoj që qytetarët e Kosovës e kanë kuptuar drejt që këtë e ka bërë vetëm para zgjedhjeve. Thjesht për me i manipulu dhe mashtru këta qytetarë, të cilat ai vetë i ka quajtur analfabet… jo, tentim, kjo është vepër. Pra, ka vepru. Ky po e rrit për 55 euro pagën të shërbyesve civilë dhe kjo i bie që taksat e qytetarëve tanë po i shpërndanë ashtu qysh ky po don për interesa personale, elektorale, politike, partiake”, tha ajo në emisionin “Info Nata” në Tëvë1.
Bunjaku thotë se me këtë rritje të pagave ka shkelje të ligjit.
“Jam e bindur që çdo qytetari që iu ka ngritur rroga për 55 euro nuk ka me besu në këtë qeverisje të Kurtit. Kjo absolutisht është blerje e votave ilegalisht dhe po tenton me i mashtru qytetarët. Por, po gabon rëndë. Ka edhe shkelje të ligjit për paga, konkretisht ai i nenit 42, por për shkelje këta nuk e kanë për herë të parë, pasi që e kanë shkel Kushtetutën me dhjetëra herë dhe nuk iu vije turp asnjëherë”, deklaroi ajo.
Qeveria e Kosovës bëri të ditur se punëtorëve të sektorit publik do t’iu rritet paga për 110 euro, në dy faza gjatë vitit të ardhshëm. /teve1.info/
