“Në sallën e Kuvendit kam pritur në takim disa prej fermerëve të dëmtuar nga breshri dhe stuhia që ka goditur Podujevën para dy ditësh. Atyre iu kërkova që të paraqesin gjendjen reale të dëmeve të shkaktuara në kulturat bujqësore dhe si komunë të gjitha kërkesat e tyre do t’i drejtojmë në instancat qendrore për kompensim të dëmit”, ka shkruar Bulliqi në Facebook. “Fermerëve tanë iu kërkova që të mos dekurajohen e dëshpërohen nga kjo fatkeqësi natyrore, e cila ka dëmtuar të mbjellat e tyre, por të vazhdojnë të punojnë me përkushtim e me vullnet sepse edhe institucionet e shtetit me të gjitha kapacitetet do t’u qëndrojnë pranë”.
Teksa fermerët e Komunës së Podujevës kanë pësuar dy herë dëme nga breshëri vetëm brenda muajit qershor. Ata kanë thënë se nga breshëri i së martës ua ka shkatërruar të gjitha të mbjellat.
Gjithashtu, ata kanë paralajmëruar se në qoftë se institucionet nuk u dalin në ndihmë, është e pamundur t’i kthehen bujqësisë në vitin e ardhshëm.
Fshatrat më të dëmtuara herën e dytë nga breshri e stuhia kanë qenë Popova, Lupçi i Poshtëm dhe i Epërm, Majaci, Lluzhani, Shakovica, Bellopoja, Halabaku, etj.
