I pari i komunës i cilësoi këto ndryshime si freskime të administratës për të cilat ai tha se janë normale.
“Ndryshimet dhe freskimet e administrates komunale përkatësisht drejtorët e Drejtorive janë dukuri që ndodhin çdo kund në kushte normale. Unë besoj që ndoshta mund te janë të vonuara sepse të shpejta asnjëherë nuk janë, për arsye se gjithmonë ka nevojë për freskime. Arsyeja është se pushteti lokal është me një varg problemesh dhe sfidash dhe sigurisht se jo të gjithë ne jemi të përgatitur për krejt ato probleme dhe sfida, prandaj nganjëherë ka nevojë për një energji shtesë dhe sigurisht që jemi ata të cilët e vlerësojmë në momente të caktuara se kur ka nevojë për ndonjë ndryshim, që mendoj qe janë ndryshime normale”, tha ai.
Sipas tij, pavarësisht ndryshimeve që mund të ndodhin e rëndësishme është që punët të shkojnë mirë dhe të ketë rezultate të mira në komunën e Podujevës.
“Ne e dimë që drejtorët e Drejtorive janë të emëruar politik dhe sigurisht që dëshira dhe vullneti jonë është që punët të na shkojnë sa më mirë dhe të kemi rezultate sa më të mira, prandaj nganjëherë nuk i arrijmë ato synime që ia vëjmë vetes përpara dhe sigurisht që ndryshimet janë freskim në punën e mëtutjeshme”, deklaroi ai.
Teksa Bulliqi në emisionin “InfoNata” shtoi se ndryshime të tilla të cilat ai i cilësoi si freskime mund të ndodhin edhe në të ardhmen.
“Kemi pasë edhe më herët freskime të tilla ka pasë edhe tash së fundmi nuk do të thotë që ato të jenë të fundit, sepse mund të ndodhin edhe në të ardhmen mund të ketë freskime varësisht prej kërkesave dhe nevojave për arsye se të gjithë jemi njerëz dhe ndonjëherë edhe për qëllime personale njerëzit kanë nevojë të lirohen”, shtoi ai./teve1.info/