Kryetari i Komunës së Podujevës, Shpejtim Bulliqi ka thënë se shumë shpejt do të nënshkruhet kontrata për ndërtimin e Parkut Industrial.
Ai ka thënë se në këtë park do të ndërtohen mbi 40 biznese.
“Punë ditësh nënshkrimi i kontratës për realizimin e projektit të Parkut Industrial. Do t’i kemi diku mbi 46 hapësira biznesi. Pozicioni gjeografik ku është planifikuar është në një pozitë shumë të mirë”, ka thënë Bulliqi në emisionin “Këndi i Debatit” në Tëvë1.
Ai ka thënë për këto 4 vjet Podujeva është një ndër komunat ku është investuar më së shumti.
Bulliqi se kjo është arritur duk u ofruar kushte investitorëve.
“Podujeva është prej komunave që ka investimet më të mëdha, pothuajse në të gjitha fushat. Ne jemi tregu shumë të aftë që investitorët potencial që kanë pas vullnetin me ardhur me investua në Podujevë me ju krijua kushte. Podujeva ka pas mungesë të banesave për qytetarë edhe mërgimtarët kanë pas probleme me gjet vendbanim për periudhën që kanë qëndruar në Kosova. Podujeva ka pas nevojë për objekte të reja të banimit. Mbi 4 milionë euro subvencionime për bujqit”, ka thënë ai.
Bulliqi i cili do të kërkojë edhe një mandat si kryetar i Podujevës, ka thënë se gjatë këtij mandati kanë ndërtuar 10 objekte shkollore.
