Por, për Tëvë1 ai thotë se krahasuar me vitin e kaluar, këtë vit rendimenti ishte më i dobët.
Ai menjëherë ka filluar edhe përgatitjet për të mbjellat e vitit të ardhshëm, por që kultivimi i kulturave bujqësore del të jetë i kushtueshëm.
E për këtë, bujku nga Fushë-Kosova po pret nga Ministria e Bujqësisë që sa më parë të ekzekutojë subvencionet e premtuara.
Parat nga Ministria po i pret edhe Sami Krasniqi nga fshati Bardh i madh i Fushë Kosovës.
Kurse, nga Ministria e Bujqësisë kanë bërë të ditur për Tëvë 1 se janë duke bërë verifikimin e aplikacioneve.
“Pas pranimit të këtyre lëndëve kanë vazhduar procedurat e brendshme administrative, të cilat janë të përcaktuara me Udhëzimin Administrativ Nr. 02/2022 për Pagesa Direkte, duke filluar nga kontrolla/vlerësimi administrativ i aplikacioneve e më pastaj edhe kontrollat në terren. Pas përfundimit të këtyre hapave, bëhet procedimi për ekzekutimin e pagesave për të gjithë aplikuesit, që i plotësojnë kriteret dhe dokumentacionin e përcaktuar konform Programit dhe Udhëzimit Administrativ”, thuhet në përgjigje.
Në Ministrinë e Bujqësisë janë dorëzuar mbi 50 mijë aplikime për mbështetje financiare.
Sipas kësaj Ministrie këtë vit janë 3 mijë e 149 aplikime më shumë.
Kronika e realizuar nga gazetarja Doresa Geci.
