Këto deklarata ai i ka bërë në “Respublika” në Tëvë 1, teksa shtoi se kjo nuk do të ndodhë për shkak se kufiri është afër këtyre komunave.
“Katër komunat, me gjysmën e Mitrovicës, 3 janë tjerat në kufi me Serbinë, drojë që gjatë kohë nuk kem me mujt me i fut në administrim sepse është kufiri në pyetje. Gjersa komunat tjera në brendësi të Kosovës, që nuk janë në kufi me Serbinë ato administrohen. Në fakt logjikshëm veprojnë edhe tash, nuk janë shumë të ndezura ato kërkesat e tyre dhe ne u kemi dhënë aq sa duhet por ato 3 komuna janë problem”, tha ai.
Sipas tij, për zgjidhjen e këtyre problemeve është kasta politike ajo që do të duhej menduar më shumë.
Tutje, ai ka komentuar edhe idenë e ish-presidentit të Kosovës, Hashim Thaçi për korrigjimin e kufijve me Serbinë.
“Ai (Thaçi) nuk e ka thënë shkëmbim territoresh por t’i bashkohet Presheva, Medvegja, Bujanoci Kosovës që logjikisht dhe dëshirën tonë do të ishte më mirë ajo”, shtoi ai./teve1.info/
