Vullnet Bugaqku nga Instituti Demokratik i Kosovës, ka thënë se vendimi i sotëm i Gjykatës Kushtetuese ua ndalon deputetëve të marrin vendime deri më 8 gusht edhe nëse konstituohet Kuvendi.
Ai ka thënë se sipas këtij vendimi deputetët nuk mund të vendosin asnjë veprim juridik madje as të thirret seanca për votimin e qeverisë, nëse nga gjykata nuk ndryshim të këtij vendimi më herët.
“Nëse nesër konstituohet Kuvendi, ligjërisht është i konstituuar, por nga data 27 asnjë veprim juridik nuk guxon me u marrë nga ana e deputetëve deri më 8 gusht, përjashtimisht nëse gjykata e ndryshon këtë vendim. Ndalohet veprimi që të caktohet edhe seanca për zgjedhjen e Qeverisë”, ka thënë Bugaqku.
Ai ka thënë vendimi i gjykatës ka qenë i drejtë.
Për seancën e së premtes ai ka thënë se një gjë mund të ndodhë është që kryesuesi i seancës të thërras disa seanca brenda ditës.
Bugaqku ka thënë se nëse nuk ka konstituim të Kuvendit deri më 26 korrik, nuk përjashtohet mundësi e zgjedhjeve të jashtëzakonshme pas 8 gushtit.
Gjykata Kushtetuese vendosë masë të përkohshme ndaj seancës konstituive
