Bashkimi i Sindikatave të Pavarura të Kosovës, ka reaguar për sulmin që ndodhi ndaj gazetarëve nga protestuesit serbë në Leposaviq, ku mbetën nëntë prej tyre të plagosur.
BSPK, thotë se ajo se çfarë po ndodhë në veri të Kosovës është dhunë mbi demokracinë, dhe sulm i drejtpërdrejtë mbi lirinë e shprehjes dhe sundimin e së drejtës.
Sipas kryetarit të BSPK-së, Atdhe Hykollit, sulmi i sotëm ndaj gazetarëve, është i pa pranueshëm për BSPK -në, dhe duhet të dënohet nga të gjithë.
“E drejta për informim të drejtë dhe e drejta për ushtrimin e profesionit të gazetarisë është e garantuar me ligj. Të gjitha strukturat e sigurisë vendore dhe ndërkombëtare duhet të ofrojnë mbrojtje dhe siguri për gazetarët”, thuhet në njoftimin e BSPK-së.
BSPK thotë se është në krah të së drejtës së veprimit demokratik në mbrojtje të demokracisë e të jetës normale për të gjithë qytetarët e vendit.
“Bashkimi i Sindikatave të Pavarura të Kosovës, si mbrojtës i të drejtave të punëtorëve në Republikën e Kosovës, krahas mbrojtjes gjatë punës nga institucionet relevante, kërkon nga punëdhënësit që të vlerēsojnē punën e gazetarëve duke ua a paguar honoraret dhe duke ua rritur pagat dinjitetshëm”, thuhet tutje në njoftim./teve1.info/
