KB Trepça ka rikthyer në radhët e veta amerikanin Ken Brown. Skuadra nga Mitorvica, të premten e ka zyrtarizuar Brownin, i cili do të jetë pjesë e Trepçës për këtë edicion.
Brown ka qenë pjesë e Trepçës para tetë vjetësh dhe pati treguar paraqitje fantastike në basketbollin e Kosovës. Ai i bashkohet Trepçës nga Meksika, ku ka luajtur së fundmi kurse karrierë ka bërë edhe nëpër ligat më të forta të vendeve të ndryshme.
Fundori (180 cm) ishte pjesë e ekipit Plateras kur për 20 ndeshje pati një mesatare prej 10 pikëve.
“Fundori amerikan që kishte shkëlqyer tetë vjet më parë në skuadrën tonë, kthehet në “Minatori”, shtëpinë tonë e tuajën. Basketbollist me përvojë të madhe dhe karakterin e duhur për TREPÇËN tonë. Vjen nga Meksika, por me bagazh të jashtëzakonshëm të fituar në ligat të forta e vende të ndryshme. Te ne kishte luajtur me mesatare prej 26, 3 pikëve e 9,5 asistimeve. E mirëpresim në arenën që i jep kuptim basketbollit Kosovar”, ka shkruar Trepça.