Chelsea bind në derbin e Londrës ndaj Fulham dhe rikthehet te fitorja në kampionat pas tre javëve.
“Blutë” e Londrës diktuan ritmin e sfidë, ndërsa protagonist i padiskutuar për skuadrën e Pochettinos ishte sulmuesi i kombëtares shqiptare Armando Broja, që e nisi këtë takim në rolin e titullarit.
Broja u shfaq i rrezikshëm që në minutat e para të takimit, ndërsa vazhdimisht mbante nën presion mbrojtësit e Fulhamit.
Chelsea zhbllokoi sfidën në minutën e 18’ me Mudryk që gjeti golin e parë në një ndeshje zyrtare.
Vetëm një minutën më pas, më saktësisht në minutën e 19’ Armando Broja kaloi mbrojtësit e Fulham dhe realizoi golin e tij të parë pas rikthimit nga dëmtimi.
Në fraksionin e dytë sulmuesi “kuqezi” pati të tjera raste për të shënuar, megjithatë rezultati në fund nuk ndryshoi.
Broja u largua nga fusha e lojës në minutën e 64’, pasi u duk se ndjeu një shqetësim të lehtë, me sulmuesin që u duartrokit nga tifozët e Chelsea-t në momentin e zëvendësimit nga Sterling.
Në fund ndeshja u mbyll me rezultatin 0-2, me Fulham që renditet në vend të 13-të me tetë pikë, teksa Chelsea renditet në vend të 11-të me tetë pikë.
