Sulmuesi Armando Broja duket se nuk ka tejkaluar problemet fizike dhe kjo është arsyeja që ai nuk ishte ftuar te Burnley në dy ndeshjet e fundit.
Edhe pse ekipi anglez nuk ka dhënë ndonjë arsye për mungesën e Brojës ndaj Crystal Palacet dhe Mansfieldit, bëhet e ditur se sulmuesi ka telashe fizike.
Thuhet se 24-vjeçari, tashmë i është nënshtruar një trajtimi të veçantë, në mënyrë që ta tejkalojë këtë problem deri në fund të këtij muaji.
Broja dëshiron të jetë plotësisht gati për ndeshjen që Shqipëria e luan në fund të muajit të ardhshëm kundër Polonisë, në kuadër të “play-offit” për Botërorin 2026.
Mbetet të shihet nëse Broja do të jetë në dispozicion të selektorit Sylvinho muajin tjetër, pasi deri më tani ka 19 ndeshje këtë sezon në Premier League, duke shënuar 1 gol dhe dhuruar 1 asistim.
