Armando Broja do të jetë për herë të parë startues tek Evertoni këtë sezon, pasi do t’i prijë sulmit kundër Manchester Cityt.
Sulmuesi i Shqipërisë shihet si shpëtimtar i Evertonit kundër Cityt, duke pasur parasysh se kampioni në fuqi i Anglisë nuk di për fitore në 12-të ndeshjet e fundit në kampionat.
Broja, së fundmi është rikthyer nga lëndimi dhe deri më tani ka pasur dy paraqitje në Premier League, duke u aktivizuar nga banka e rezervistëve kundër Ëolverhamptonit dhe Arsenalit.
Dueli Manchester City – Everton edhe e hap xhiron e 18-të në kampionatin anglez që do të luhet sot dhe të premten.
Kjo ndeshje nis në orën 13:30 dhe luhet në stadiumin “Etihad” ndërsa është e rëndësishme për të dyja ekipet.
City ka rënë në pozitën e 7-të në tabelë 27 pikë, 11 më shumë se Evertoni që renditet i 15-ti.
Sot, do të luhen edhe shtatë ndeshje tjera në kuadër të kësaj xhiroje por që do të luhen në tri orare të ndryshme.
Në ora 16:00, zhvillohen duelet: Bournemouth – Crystal Palace, Chelsea – Fulham, Neewcastle – Aston Villa, Nottingham – Tottenham e Southampton – West Ham United.
Në orën 18:30 nis ndeshja Wolverhampton – Manchester United, ndërsa prej orës 21:00 takohen Liverpool – Leicester City.
