Qeveria britanike thotë se kishte paraqitur një sërë ndryshimesh në projektligjin për krimin ekonomik për “të goditur elitat e korruptuara”, raporton Sky Neës.
Ndryshimet e këtyre sanksioneve do të lejojnë Londrën zyrtare të zbatojë sanksione më të shpejta por edhe më të forta si dhe do lejojë të rreshtohen më lehtë me aleatët.
Ndërkaq, Britania tashmë ka vendosur atë që e quan si “paketa më e madhe e sanksioneve në histori” ndaj Rusisë për pushtimin e saj në Ukrainë.
Kjo përfshin një ngrirje të plotë të aseteve dhe ndalim udhëtimi të vendosur kundër oligarkëve Alisher Usmanov dhe Igor Shuvalov, të cilët kanë interesa të rëndësishme në Britani të Madhe dhe
lidhje të ngushta me Moskën zyrtare.
Britania e Madhe ka vendosur gjithashtu sanksione kundër Vladimir Putin, ministrit të tij të jashtëm Sergei Lavrov dhe më shumë se 300 individëve në Rusi dhe Bjellorusi./teve1.info/