Kombëtarja U22 e Kosovës në volejbollin me rërë, ka siguruar finalen e madhe të Kampionatit Ballkanik, pas një paraqitjeje brilante në gjysmëfinale të dielën në mesditë.
Dardanët të përbërë nga dyshja Ermal Maliqi/Erion Bajrami dhe të drejtuar nga trajneri Arben Bislimi, në gjysmëfinale u treguan të fortë për rivalët ndaj Rumanisë, Denis Boldis/George Breban, të cilët i mposhtën me rezultat 2-0 (21-18, 21-17).
Ishte një fitore e madhe ndaj një ekipi tejet kualitativ.
Në finale, Kosova U22 do të ndeshet me Turqinë (Batuhan Kuru\Sacit Kurt), të dielën, me fillim nga ora 18:30.
