Mesfushori Brajan Gruda do të largohet nga skuadra e Mainzit për të vazhduar karrierën në Premier League të Anglisë.
Ai do të transferohet te Brightoni, ekip që në parim ka arritur marrëveshje me Mainzin, e cila pritet të zyrtarizohet ditëve në vijim.
Gruda do të jetë shitja rekorde e Mainzit, pasi ekipi anglez është pajtuar që për kartonin e tij të paguajë 30 milionë euro.
20-vjeçari me Brightonin do të firmos kontratë afatgjate dhe vlerësohet si përforcim i rëndësishëm për mesfushën.
Për Grudën, interesim kishin shprehur edhe Bayern Muncheni, Borussia Dortmundi, Leipzigu, Liverpooli e Newcastle por oferta e Brightonit ishte më e larta për ta bindur Mainzin në lirimin e tij.
Ai prej vitit 2022 është pjesë e ekipit të parë të Mainzit, ndërsa sezonin e shkuar ka shënuar 4 gola dhe ka bërë 3 asistime në Bundesligë.
Gruda, gjithashtu ishte ftuar edhe në kampin përgatitor të Gjermanisë në prag të “Euro 2024” por u detyrua të largohet për shkak të lëndimit që e pësoi në stërvitje.
