Brendia e shtëpisë në Malishevë i përngjanë Zyrës Ovale të Shtëpisë së Bardhë në SHBA.
Është ky salloni i shtëpisë së Shaban Kilajt në fshatin Lubizhdë.
Vet Kilaj për Tëvë1, tregon se nga i erdhi ideja që dhomës së ndenjes t’ia jap këtë pamje.
“Ka qenë ideja edhe e disa miqve të mi amerikan, po dëshira ka qenë e imja. Pak a shumë jam munduar me ia përshtat (Zyrës Ovale), si shenjë nderi dhe respekti. Zyra Ovale ka qenë zyra ku janë shumë vendime për popullin shqiptar”, thotë Shaban Kilaj – pronar i shtëpisë.
Në këndin e majtë të sallonit zë vend fotografia ish-presidentit amerikan, Bill Clinton.
Pranë tij janë vendosur flamuri kombëtar shqiptar dhe ai amerikan.
E anën tjetër, pranë flamurit shtetëror të Kosovës ndodhet një tjetër ish-president amerikan, i njohur për shqiptarët.
Domethënien e tyre e shpjegon vet pronari i shtëpisë.
“Është koha ’91-’99 kur ai ishte president i SHBA-së, dhe me shumë vendosmëri e guxim arriti ta bëj aleancën ushtarake njëzëri kundër Jugosllavisë së asaj kohe. George Ë Bush, ishte viti 2007 kur ai gjatë një vizite në Tiranë, tha: Do të vijë një kohë kur do të themi mjaftë është mjaftë, Kosova është shtet i pavarur”, shprehet Kilaj.
E në këtë shtëpi të gjitha muret flasin për autoritetin amerikan.
“Kjo është “E Pluribus Unum” fjalë latine, që do të thotë “Nga shumë (kombe) në një shtet. Është e vendosur në të gjitha institucionet federale të SHBA-së. Kjo tjetra është Zyra Ovale në SHBA”, thotë pronari i shtëpisë.
E njohja e Kilajt me amerikanët ka zanafillën në kohën e luftës në Kosovë.
“Të paktë ishin njerëzit që e dinin gjuhën angleze në lokalitetin nga vije unë, ishte vjeshta e vitit 1998, vëzhguesit ndërkombëtar. Meqenëse lëvizja nga një fshat në fshatin tjetër ishte e kufizuar për shkak të stacionimit në pika të ndryshme në rajonin tonë, 4:00 ishte e vështirë të komunikohej nga fshati në fshat, vëzhguesit erdhen dhe kërkuan se a ka dikush që e di gjuhën angleze. Një fqinj iu kish treguar se unë e njoh gjuhën angleze dhe erdhën tek unë”, tregon ai.
Njeriu që solli “Zyrën Ovale” në Malishevë, thotë se bashkëpunimi me amerikanët vazhdoi edhe pas luftës kur u bë pjesë e ekipeve të NATO-s në vatrat e krizave në botë.
